To Rebel is Justified

The Beatles - While My Guitar Gently Weeps

2008-06-13T01:41:00.000+08:00

I look at you all see the love there that's sleeping
While my guitar gently weeps
I look at the floor and I see it need sweeping
Still my guitar gently weeps

I don't know why nobody told you
how to unfold you love
I don't know how someone controlled you
they bought and sold you

I look at the world and I notice it's turning
While my guitar gently weeps
With every mistake we must surely be learning
Still my guitar gently weeps

I don't know how you were diverted
you were perverted too
I don't know how you were inverted
no one alerted you

I look at you all see the love there that's sleeping
While my guitar gently weeps
I look at you all
Still my guitar gently weeps

Oh, oh, oh
oh oh oh oh oh oh oh
oh oh, oh oh, oh oh
Yeah yeah yeah yeah
yeah yeah yeah yeah

Komunidad sa Maisan Sampaloc

2008-03-19T22:21:00.003+08:00

“GMA”FP

2007-08-18T14:37:00.000+08:00

Ang organisasyon ng AFP ay instrumento ng Rehimeng US-Arroyo para supilin ang mamamayang lumalaban. Taliwas ito sa oryentasyong protektahan ang bayan at mga mamamayan nito.

Maraming beses na itong napatunayan na lagit-laging isinusubo at inuutusan ang mga sundalo para magsagawa ng pag-atake sa mamamayan sa anyo ng pambobomba, pangho-hostage, pagdukot, mga asasinasyon, pagtortyur, mga pananakit sa sibilyan at marami pang tipo.

Ang koman o utos na ito ay nagmumula sa mga matataas at mga abusadong opisyal sa Malacanang at mga kasapakat na matataas na opisyal nito sa AFP. Walang ibang layunin ang mga ito kundi ang protektahan ang kanilang makasariling interes.

Ang isyu ng mga nakakababang opisyal at sundalo sa loob ng mersenaryong organisasyon ng AFP ay kadikit ng isyung dinadala ng mamamayan.Marami rami na ang listahan ng mga progresibong nakakababang opisyal at ordinaryong sundalo ang hindi na makatiis sa bulok na sistemang umiiral sa loob ng organisasyon. Talamak at laganap ang korupsyon sa pamamagitan ng mga kontrata, mga kagamitang pangmilitar, mga paghingi ng pabor, mga ransom money, at ang mas matindi ang pakikipagsabwatan tulad sa Abu Sayyaf kapalit ng malaking halaga. Ang mga nakakakababang opisyal at mga ordinaryong sundalo ang matinding natatamaan ng bulok na sistema sa AFP, sila ang pinambabala sa mga operasyong militar kung kaya naman sila ang mas malapit na nakakakita ng katotohanan sa kalagayan ng mga sundalo.

Ang pag-aalsa ng mga sundalo sa Oakwood noong 2003 ay mabisang naglantad ng kabulukan ng Rehimeng US-Arroyo.Sinalamin ng mga sundalong nanguna sa Oakwood ang sentimyento ng libo-libong sundalo sa loob ng sandatahang lakas ng reaksyonaryong estado. Sapat at malinaw na ipinapakita nito na lehitimo ang mga isyu at karaingan ng mga sundalo.

Sa ganitong pagkakataon at kalagayan ay hindi maiiwasang susulpot ang mga makabayan at progresibo sa loob ng AFP. Sa kasaysayan ng mundo at maging ng ating bansa ay hindi na mabilang ang mga makabayang sundalo na tumindig at nanguna sa paglaban.

Isang halimbawa ay si Gamal Abdel Nasser ang pangalawang naging Presidente ng Egypt at nagbabandila ng Patriyotismo ng mga Arabo. Siya ay may ranggong Liutenant Coronel at naging tagapagtatag at lider ng Free Officers Movement—isang organisasyon ng mga nakakababang opisyal at sundalo na nagmula sa uring magsasaka. Nilayon ng organisasyon na ito na pamunuan ang pakikibaka laban sa mapaniil na Rehimen ni King Faraouk I ng Egypt na sinusuportahan ng imperyalistang Britanya. Noong Hulyo 23, 1952 ay matagumpay na naibagsak sa pamumuno ni Nasser ang bulok ng rehimen at nailuklok si Muhammad Naguib bilang presidente ng Egypt. Sa hindi inaasahang pagkakataon ay nagtaksil si Naguib sa mamamayan ng Egypt, muling kumilos si Nasser para ito ay arestuhin. Naging ikalawang presidente ng Egypt si Nasser noong Hunyo 23, 1956. Sa kanyang pamumuno ipinatupad ni Nasser ang pagsasabansa ng mga industriya, pagpapatupad ng reporma sa lupa at maraming proyektong impraistraktura para sa mamamayan ng Egypt.

Isa pang halimbawa ay si Hugo Chavez, ang kasalukuyang presidente ng Venezuela na kilala bilang isang kritiko ng imperyalistang US at ang pinapalaganap nitong globalisasyon. Nag-aral ito sa Venezuelan Academy of Military Sciences at pagtapos ay nagsilbi sa sandatahang lakas ng 17 taon hanggang umabot siya sa ranggo ng Lieutenant Colonel. Bilang estudyante, guro sa Academy at aktibong sundalo ay hindi niya tinago ang pagiging isang kritiko niya ng umiiral na sistema sa kaniyang bansa. Madalas siya maglabas ng mga sulatin at magsalita sa mga forum na bumamatikos sa pagpapatakbo ng gobyerno ng Venezuela noon. Sa gitna ng malawak na diskontento ng mga tiga-Venezuela sa gobyerno ay naglunsad ang ilang mga sundalo ng pagkilos noong Pebrero 4, 1992. Bagamat nabigo itong agawin ang kapangyarihan ay naging sapat ito upang maipaabot sa karamihan ang kanilang mga hinaing at dahil dito ay naging popular si Chavez sa buong bansa. Nanalo siya sa eleksyon bilang pangulo na may 56.2% ng mga boto para sa kaniya. Sa kaniyang panunungkulan ay higit na naging demokratiko ang gobyerno kumpara sa nakaraan. Sa diwa ng kampanyang kontra-korupsyon at kontra-kahirapan ay ipinatupad nito ang mga polisyang nagsisilbi sa mamamayan tulad ng pagsasabansa ng ilang industriya sa bansa.Mariin din ang pagtindig laban sa liberalisasyon sa ekonomiya bagkus ay ang pagpapatupad ng ekonomiyang nakakasapat sa sarili. Ipinalaganap din ni Hugo ang makabayang aspirasyon ng mamamayan ng Venezuela at higit pinataas nito ang kamulatang anti-imperyalista sa pamamagitan ng lantad na pagtutol sa gerang agresyon ngimperyalismong US sa Iraq.

Sa loob mismo ng ating bansa ay may mga nangahas na labanan ang estado at ang umiiral na sistema.

Si Lt. Crispin Tagamolila ay nagtapos sa University of the Philippines ng Business Administration at Philippine Military Academy. Naging regular na opisyal ito sa AFP noong 1967 ay naging Finance Officer sa Tabak Division sa Fort Magsasay, Nueva Ecija. Sa parehong panahon ay nag-aaral siya ng abogasya ay nagtuturo ng kasaysayan, patriyotismo at mga bayani sa Philippine Constabulary. Masusi niyang pinag-aralan ang ugat ng mga problema ng lipunang Pilipino at sa maraming okasyon ay nag-organisa ng mga sirkulo ng pag-aaral ukol sa pulitika. Noong Marso 29, 1971, sa edad na 26 ay sumuko bilang sundalo at sumampa sa NPA si Tagamolila. Kumilos siya sa Isabela bilang “Ka Cely” at ibinahagi sa mga kasama at masa ang kaniyang kaalaman sa gawaing pampulitika at militar. Nasawi ito sa isang encounter noong Abril 16, 1972 habang tinutulungang umatras ang mga kasamang gerilya.

Sa pinaka-huling kilala at mataas na katungkulan na umalis sa AFP ay si Brig. General Raymundo Jarque noong 1995 sa Negros. Hindi niya nakimkim ang malubang korupsyon at anomalya sa loob ng militar. Noong 1980’s ay pinangunahan niya ang kampanyang kontra-insurhensya sa Negros. Sa kaniyang pag-alis sa militar ay humingi ito ng tawad sa masang naapektuhan ng pinangunahan niyang mga operasyong militar. Naging consultant siya ng NDFP Peace Negotiating Panel.

Marami pa ang mga sundalo ang patuloy na naghahanap ng tunay na pagbabago.

Ang kasundaluhan sa AFP ay may malaking magagawa para mabago ang bulok na sistemang umiiral. Ang nakakarami sa kanila ay tulad din nating mga mahihirap, mula sa pamilyang magsasaka, mangagawa, maralitang taga-lunsod, mga kabataan at maging mga kababaihan. Ipakita natin ang AFP sa panahon ni Gloria ay “GMA”FP.

Taxi Driver

2007-03-19T00:06:00.000+08:00

Magdadalawang buwan na akong hindi nakakapagsulat sa blog ko.dami nang nangyari at nakalimutan ko na yung mga naiisip kong magagandang isulat sana. Nitong mga huling araw ay dumalas ang pagtataxi ko kasi kung hindi masyadong gabi na ang aking uwi at may mga pagkakataong marami akong kasabay sa pag-uwi.mas praktikal ang magtaxi ng marami kaysa mag-commute kasi parehas lang ng babayaran.:)

Madalas sa aking pagsakay sa taxi ay nakakakwentuhan ko ang driver. hindi nawawala sa topic namin ang tungkol sa gobyerno. sa dami nang mga sinakyan ko na taxi halos lahat ay sawa na sa bulok na pamamalakad ng gobyerno. yung isang driver nga ay nagkwento ng ibat ibang katangian ng mga naisasakay nyang mga pasahero..merong estudyante, magulang, pulis, militar, guro, negosyante atbp. sa mga nakasakay nyang mga pasahero ay hindi nawawala ang diskusyon hinggil sa takbo ng gobyerno.

Kadalasan ang diskusyon ay nagsisimula sa trapik hanggang sa maungkat ang iba pang isyu sa lipunan. ang taxi ay nagmimistulang hingahan ng sama ng loob ng mga pasahero hinggil sa nangyayari sa lipunan.pakiramdam ko nga ang mga taxi driver ay para ring mga pari..minsan nagpapayo din sila o nagbibigay ng opinyon..basta kahit ano lang.

Minsan may driver na kaliwang mag isip minsan kanan naman. o minsan wala na talaga sa hulog..sabi minsan nung isang driver.."darating ang panahon na ang maghahari sa mundo ay ang mga pilipino" ang sabi ko bakit nyo nasabi yun? kasi daw kahit saan ka pumuntang bansa ay may Pilipino..at dahil magulang ang pilipino ay darating ang panahon na ito ang maghahari sa mundo. yung isang driver pa ang sabi "putanginang mga intsik yan,sila ang salot sa mundo porke ba sila ang pinakamaraming populasyon ay pwede na silang mag siga-sigaan" haha ! cool!, sabi pa nung isang driver.."ok lang na magtaasan ang lahat ng bilihin wag lang daw ang mga bilihin,pagkain at gasolina" ang labo...

Pero merong mga driver ang sharp talaga..katulad nung isang driver ng taxi na nasakyan ko nung pauwi na ako sa sikatuna.." ang kailangan natin ay radikal na pagbabago.." sabi nya.. matagal na syang driver cguro mga 30 years na. nasaksihan nya ang FQS, Edsa 1 at Edsa 2 at maging Edsa 3.. isa lang ang nasabi nya.." senyales daw ito ng rebolusyon"..darating ang panahon na ang taong bayan ay magsasawa daw sa rally at maghahanap nang mas epektibong paraan ng pagbabago... kaunti na lang eh nasa tamang suri na.hehehe.

Naalala ko si ka. crispin beltran, bago sya maorganisa ay isa rin syang taxi driver.. saksi din siya sa mga daing ng mga pasaherong sumasakay noon sa taxi nya. ang loob ng taxi nya ay nagtulak sa kanya para maghanap ng pagbabago.

Marami pang mga taxi driver o mga driver ang tiyak na mamumulat at walang sawang maghahanap ng daan para sa pagbabago.

leche plan

2007-01-23T01:04:00.000+08:00

after ng unang kong post ay nagkandaleche ang original dapat na blog ko.hindi ko malaman kung ano ang nangyari at hindi ko na sya ma-access.nangyari pa ito sa panahong maraming nagaganap na magandang isulat sa blog ko.syempre,treyning na rin sana sa pagsusulat.nagdaan na ang bday ko at ang ika isang taon namin ni aleida.ganunpaman, gumawa na lang ako ng bagong blog ko, actually dati na itong account..natsambahan ko lang na pwede pa pala sya.

sa dami nang mga gawain nitong mga nakaraang linggo ay hindi ko na rin naharap ang mga itinakda ko sanang new years resolution tulad ng exercise, pagbabasa ng mga libro at marami pang iba.pwede ko pa naman gawin ito,maghahabol na lang ako.:)

2007

2007-01-14T00:19:00.000+08:00

hindi ko alam kung paano sisimulan ang blog na ito.

matagal tagal na ring naglalaro sa isip ko kung ano nga ba meron ang blog at para pagdiskitahan ng mga tao na isulat ang kanilang mga pananaw,opinyon,paninindigan at minsan pa nga ay ang takbo ng kanilang buhay. parang open diary ang blog dahil s maraming nakakaita at nakakabasa..minsan pa nga ay kinokomentuhan at kung kanikanino na umaabot ang mga post.maraming beses na nga akong nakasaksi ng pag-aaway o pagsasagutan sa mga blog post, minsan naman masaya din kasi nakakapagpalitan ng mga kuro kuro.

marami na rin ang naghihikayat sa akin na mag-blog, masaya daw ito.natututo kang maging bukas sa mga tao at buong pagmamalaking i-share ang mga opinyon o buhay.

sa pagdaan ng mga buwan ay unti unti ko na lamang napansin na nahihilig na akong magbasa ng mga blog. syemps, ang blog ng mahal kong karelasyon, mga blog ng mga kapwa ko aktibista,mga burgis na kaibigan, at higit mga blog ng mga taong di ko kilala.

sa kaduluduluhan, napag isip isp kong subukan ito kahit na hindi ako marunong magsulat (writer). matagal ko nang pangarap ang matutong magsulat. marami akong naiisip na magandang isulat dahil sa mga nababasa ko pero hanggang simula lang at hindi na talaga natatapos.

kaya, hindi ko alam kung kaya kong tuloy tuluyin ang pagsusulat sa blog na ito.siguro ang panimula ay magsulat lang ako ng magsulat ng lahat ng mga gusto kong sabihin...at baka matuto din ako.:)

tutal 2007 na, 2 taon na akong nag-iisp na magsulat sa blog.baka panahon na ito.